জামুগুৰিহাটত বাপেকে পুতেকক হত্যা কৰি ডিঙিত চিপ লগাই উলমাই থোৱাৰ সন্দেহ

জামুগুৰিহাট, ৩আগষ্টঃ জামুগুৰিহাটৰ ইটাখোলাৰ জয়সিদ্ধি বেজ গাৱঁত সংঘটিত হয় এক অঘটন ৷ জয়সিদ্ধিৰ বেজ গাৱঁৰ ৰাহুল বৰা নামৰ এজন ১৭ বছৰীয়া যুৱকে ঘৰৰ ভিতৰত চিপ লৈ থকা অৱস্থাত প্ৰত্যক্ষ কৰে স্থানীয় ৰাইজে ৷ ইতিমধ্যে স্থানীয় ৰাইজ ঘটনাস্থলীত উপস্থিত হৈ ৰাহুলৰ পিতৃ বিনিত বৰাই পৰিকল্পিতভাৱে হত্যা কৰি ডিঙিত চিপ লগাই মুখত কাপোৰৰ সোপা দি উলমাই থোৱাৰ সন্দেহ প্ৰকাশ কৰি ইটাখোলা আৰক্ষী চকীৰ ভাৰপ্ৰাপ্ত বিষয়া ভাস্কৰজ্যোতি শইকীয়াক খৱৰ দিয়ে৷আৰক্ষী বিষয়া গৰাকীৰ নেতৃত্বত এটি আৰক্ষীৰ দল ঘটনাস্থলীত উপস্থিত হৈ ৰাহুলৰ পিতৃ বিনিতক আটক কৰি সোধপোছৰ বাবে আৰক্ষী থানালৈ আনে ৷ উল্লেখ্য যে বিনিত বৰাই তেওঁৰ পত্নীকো ছয় বছৰ পূৰ্বে দিল্লীত হত্যা কৰাৰ সন্দেহ স্থানীয় ৰাইজৰ ৷