দেশত বৃদ্ধি পাইছে স্মাৰ্টফোন চুৰিৰ গোচৰ

নিউজ ডেক্স,২৮ ছেপ্টেম্বৰঃ দেশত বৃদ্ধি পাইছে স্মাৰ্টফোন চুৰিৰ ঘটনা। এনে অৱস্থাত চুৰি হোৱা বা হেৰাই যোৱা ফোনসমূহৰ অপব্যৱহাৰ ৰোধ কৰাৰ বাবে কেন্দ্রই কঠোৰ পদক্ষেপ গ্রহণ কৰিছে৷ এতিয়াৰে পৰা ভাৰতত নিৰ্মিত সকলো স্মাৰ্টফোনে ‘ইণ্ডিয়ান Counterfeit Device Restriction’ পৰ্টেলত নিজৰ IMEI নম্বৰ পঞ্জীয়ন কৰিব লাগিব। এই পদক্ষেপটো প্ৰথমবাৰৰ বাবে ফোন বিক্ৰী হোৱাৰ আগতেই ল’ব লাগিব। অহা বছৰৰ ১ জানুৱাৰীৰ পৰা প্ৰযোজ্য হ’ব এই নতুন নিয়ম। ভাৰতত লাখ লাখ স্মাৰ্টফোন আৰু ফিচাৰফোনত ভুৱা বা ডুপ্লিকেট IMEI নম্বৰ ব্যৱহাৰ কৰা হৈছে। তদুপৰি দেশৰ জনপ্ৰিয় ব্ৰেণ্ডৰ জাল স্মাৰ্টফোনো বিক্ৰী হয়, ইয়াৰে অধিকাংশই চীনৰ পৰা আহে। এই পৰিস্থিতিত এনে সিদ্ধান্ত কেন্দ্ৰীয় বিষয়।
কি এই নতুন নিয়ম :
নতুন নিয়ম অনুসৰি ভুৱা IMEI নম্বৰ থকা ফোন বিক্ৰী কৰিব নোৱাৰিব। কোনো নতুন ফোন মাৰ্কেটিঙৰ পূৰ্বে IMEI নম্বৰ ৰেজিষ্টাৰ কৰিব লাগিব। ইয়াৰ আঁৰৰ উদ্দেশ্য হৈছে সকলো ফোন ডিজিটেল ট্ৰেকিং সক্ষম কৰা। ইয়াৰ ফলত গ্ৰাহকে হেৰুৱা ফোন ব্লক কৰাত বহুত সহজ হ’ব। ফলত ইয়াৰ অপব্যৱহাৰ কৰিব নোৱাৰি। যদি সকলো পৰিকল্পনা ভালদৰে হয়, তেন্তে দেশত স্মাৰ্টফোনৰ চোৰাং ব্যৱসায় সম্পূৰ্ণৰূপে বন্ধ কৰাটো সম্ভৱ হ’ব বুলি জ্ঞাত সূত্ৰই অনুভৱ কৰিছে। জনা গৈছে যে এই নিয়ম কেৱল ভাৰতত নিৰ্মিত স্মাৰ্টফোনৰ বাবেই নহয়, বিদেশত নিৰ্মিত আইফোন, চেমচাং গেলেক্সি ফোনতো কাৰ্যকৰী হ’ব। মন কৰিব যে IMEI নম্বৰ হৈছে প্ৰতিটো ফোনটোৰ একক নম্বৰ। আন এটা ফোন চিম কাৰ্ড নষ্ট কৰি ব্যৱহাৰ কৰিব পাৰি। কিন্তু IMEI নম্বৰ হাৰ্ড ক’ড কৰা হৈছে, ই অপৰিৱৰ্তনীয়। গতিকে তদন্তকাৰী সংস্থাসমূহে এই নম্বৰটোৰ সহায়ত সহজে ফোনটোৰ স্থান নিৰ্ণয় কৰাটো সম্ভৱ।