মহাবাহু ব্ৰহ্মপুত্ৰৰ বুকুত বিলীন হোৱাৰ পথত চতিয়াৰ এখন বিদ্যালয়

জামুগুৰিহাট,১২ অক্টোবৰঃবিশ্বনাথ সমষ্টিৰ অন্তৰ্গত চতিয়াৰ দক্ষিণাঞ্চলৰ এখন বিদ্যালয় ভোজমাৰী চৰকাৰী নিম্ন বুনিয়াদী বিদ্যালয় য’ত এই মুহূৰ্তত বিদ্যালয়খনক চাৰিওদিশে আগুৰি ধৰিছে পানী কেৱল পানীয়ে ৷ ধাৰাবাহিকভাৱে বৃদ্ধি পাইছে মহাবাহু ব্ৰহ্মপুত্ৰৰ জলৰাশি ৷ লগে লগে তীব্ৰ ৰূপ ধাৰণ কৰিছে খহনীয়াই ৷ বিদ্যালয়খনৰ ইতিমধ্যে ৰান্ধনীগৃহৰ এটা অংশ খহনীয়াত জাহ গৈছে ৷ আৰু হয়তো কিছু মুহূৰ্ততে বিদ্যালয়ৰ গৃহটোও খহনীয়াৰ কবলত পৰাটো এক প্ৰকাৰৰ নিশ্চিত হৈছে ৷ ইতিমধ্যে বিদ্যালয়ৰ পৰিচালনা কমিটিৰ কতৃপক্ষই বিদ্যালয়ৰ গৃহৰ টিনপাতকে ধৰি আচবাব সুৰক্ষিত দিবলৈ চেষ্টা কৰিছে ৷ প্ৰায় শতাধিক ছাত্ৰছাত্ৰীৰ ইতিমধ্যে শিক্ষাগ্ৰহণ কৰি থকা অৱস্থাত এইদৰে গৰাখহনীয়াৰ কবলত পৰা এই বিদ্যালয়ক লৈ স্থানীয় ৰাইজ চিন্তিত হৈ পৰিছে ৷