আজি সমুখ সমৰত ৰাজস্থান ৰয়েলছ আৰু দিল্লী কেপিটেলছ

গুৱাহাটী,৮ এপ্ৰিলঃ গুৱাহাটীৰ বৰ্ষাপাৰা ষ্টেডিয়ামত আজি আই পি এলৰ দ্বিতীয়খন মেচ অনুষ্ঠিত হ’ব। সমুখ সমৰত অৱতীৰ্ণ হ’ব ৰাজস্থান ৰয়েলছ আৰু দিল্লী কেপিটেলছ। আজি বিয়লি ৩ বাজি ৩০ মিনিটত দিবানৈশ খেলখন আৰম্ভ হ’ব। বৰ্ষাপাৰাত অনুষ্ঠিত হ’ব লগা এই খেলখন উপভোগ কৰিবলৈ দৰ্শকৰ বাবে প্ৰায় ১ বজাত প্ৰৱেশদ্বাৰ মুকলি কৰি দিয়া হ’ব। দিল্লী কেপিটেলছে ৬ এপ্ৰিলত গুৱাহাটীত আহি উপস্থিত হয়। আই পি এলত দিল্লী কেপিটেলছৰ এইখন তৃতীয়খন খেল আৰু ৰাজস্থান ৰয়েলছৰ দ্বিতীয়খন হ’ব। বৰ্তমানলৈকে দুয়োটা দলে এখন খেলতো জয়লাভ কৰিবলৈ সক্ষম হোৱা নাই। সেয়েহে আজি প্ৰথমটো জয়ৰ সোৱাদ লোৱাৰ বাবে দুয়োটা দলে প্ৰচেষ্টা চলাব। গতিকে কোন দলে জয় লাভ কৰিব পাৰিব সেইয়া লক্ষণীয় হ’ব।