মুখ্যমন্ত্ৰীৰ উপস্থিতিত লখিমপুৰত বিজেপিৰ প্ৰাৰ্থীপ্ৰদান বৰুৱাৰ মনোনয়ন পত্ৰ দাখিল লখিমপুৰত চাৰিজনৰ মনোনয়ন বিজেপিৰ প্ৰদান বৰুৱা, তৃণমুল কংগ্ৰেছৰ ঘনকান্ত চুতীয়া, এচ ইউ চি আইৰ পল্লব বেগু, ভোটাৰ্ছ পাৰ্টিৰ বিৰেণ বাইলুঙ মনোনয়ন পত্ৰ দাখিলৰ মুহূৰ্তত মুখ্যমন্ত্ৰীৰ মন্তব্য- অসমত কংগ্ৰেছ শূন্য হৈ যোৱাৰ পূৰ্ণ সম্ভাৱনা আছে, ২০২৫ চনত বিজেপিত যোগদান কৰিব ভূপেন বৰাই 

লখিমপুৰ ,২৬ মাৰ্চ ঃ মুখ্যমন্ত্ৰী ড॰ হিমন্ত বিশ্বশৰ্মাৰ উপস্থিতিত আজি ১২ নং লখিমপুৰ লোকসভা সমষ্টিত মনোনয়ন পত্ৰ দাখিল কৰে বিজেপিৰ প্ৰাৰ্থী প্ৰদান বৰুৱাই৷ হাজাৰ হাজাৰ দলীয় কৰ্মী-নেতা সমৰ্থকৰ, হৰ্ষ উল্লাসৰ মাজত লখিমপুৰ ত্যাগ ক্ষেত্ৰত মুখ্যমন্ত্ৰী ড॰ হিমন্ত বিশ্বশৰ্মাই বিজেপিৰ প্ৰাৰ্থী প্ৰদান বৰুৱাৰ হৈ নিৰ্বাচনী প্ৰচাৰ অভিযান চলোৱাৰ লগতে দলীয় সমদলত অংশ গ্ৰহণ কৰি প্ৰদান বৰুৱাৰ লগত মনোনয়ন পত্ৰ দাখিলত সংগ দিয়ে৷ মনোনয়ন পত্ৰ দাখিলৰ পূৰ্বে ত্যাগ ক্ষেত্ৰত মুখ্যমন্ত্ৰী ড॰ হিমন্ত বিশ্বশৰ্মাই অগপৰ সভাপতি মন্ত্ৰীঅতুল বৰা, অশোক শিংঘাল, ড॰ ৰণোজ পেগু, বিধায়ক নৱ দলে, ভূৱন পেগু, বিধায়ক মানৱ ডেকা আদিকে ধৰি আটাইকেইটা বিধানসভা সমষ্টিৰ বিধায়কৰ উপস্থিতিত ৰাইজক উদ্দেশ্যি বক্তব্য ৰখাৰ লগতে বিজেপি প্ৰাৰ্থী প্ৰদান বৰুৱাৰ সপক্ষে ভোটদান কৰিবলৈ ৰাইজলৈ আহ৩ান জনাই৷ তেওঁৰ গুৰুত্বপূৰ্ণ মন্তব্য লখিমপুৰ লোকসভা সমষ্টিত বিজেপি প্ৰাৰ্থী প্ৰদান বৰুৱা অভিলেখ সংখ্যক ভোটত জয়লাভ কৰিব৷ তেওঁ কয় -প্ৰদান বৰুৱা অত্যন্ত জনপ্ৰিয় নেতা৷ নিৰ্বাচনত বৰুৱাৰ উৎসাহ উদ্দীপনা চকুত লগা৷ সেয়ে প্ৰতিকূল বতৰৰ মাজতো ৰাইজৰ পাৰভঙা উৎসাহ৷ এইবাৰো প্ৰদান বৰুৱা অভিলেখ সংখ্যক ভোটত জিকিব৷ তেওঁ কংগ্ৰেছক সমালোচনা কৰি কয় অসমত কংগ্ৰেছ শূন্য হৈ যোৱাৰ পূৰ্ণ সম্ভাৱনা আছে৷ কংগ্ৰেছৰ বহু নেতাই এতিয়াও বিজেপিৰ সৈতে যোগাযোগ কৰি আছে৷ ২০২৫ চনত বিজেপিত ভূপেন বৰাই যোগদান কৰিব৷ এয়া ১০০ শতাংশ নিশ্চিত৷ ২০২৬ চনত মুখ্যমন্ত্ৰী হিমন্ত বিশ্বশৰ্মা আৰু ভূপেন বৰা একেলগে পদুমত থাকিব৷ কংগ্ৰেছৰ পৰা টিকত নাপাই ক্ষোভিত হৈ থকা ভৰত ৰাণীৰ সন্দৰ্ভত তেওঁ কয় – তেওঁলোকৰ বৰ্তমান ফোন অফ আছে৷ দুয়োজনে কথা পতা নাই৷ ইফালে ২০২৬ত হিন্দু অঞ্চলত আৰু ২০৩২ত মুছলমান অঞ্চলত কংগ্ৰেছ নাইকিয়া হৈ যাব বুলি ৰাজহুৱা সভাত বক্তব্য প্ৰকাশৰ পাছতেই দিনৰ প্ৰায় ১১ বজাত প্ৰদান বৰুৱাই মুখ্যমন্ত্ৰী আৰু অন্যান্য মন্ত্ৰীৰ উপস্থিতিত জিলা নিৰ্বাচনি বিষয়াৰ হাতত মনোনয়ন পত্ৰ দাখিল কৰে৷ আনহাতে আজি লখিমপুৰ লোকসভা সমষ্টিৰ তৃণমুল কংগ্ৰেছৰ প্ৰাৰ্থী ঘনকান্ত চুতীয়াই ৰাজ্যিক তৃণমুল কংগ্ৰেছৰ সভাপতি ৰিপুন বৰাৰ উপস্থিতিত মনোনয়ন পত্ৰ দাখিল কৰে৷ মনোনয়ন পত্ৰৰ দাখিলৰ বেলিকা ৰিপুন বৰাই বিজেপিৰ স্বৈৰাচাৰিতা আৰু একনায়কত্ববাদৰ যোগ্য প্ৰত্যুত্তৰ ৰাইজে দিব বুলি উল্লেখ কৰে৷ তৃণমুল কংগ্ৰেছে অসমৰ চাৰিটা সমষ্টিত প্ৰাৰ্থীত্ব দিছে আৰু আটাইকেইটা সমষ্টিতেই বিজেপি প্ৰৱল প্ৰত্যাহ৩ানৰ সন্মুখিন হ’ব৷ আজি জিলা নিৰ্বাচনী বিষয়াৰ ওচৰত এচ ইউ চি আই [কমিউনিষ্ট]ৰ পল্লৱ পেগু, ভোটাৰ্ছ পাৰ্টিৰ ইণ্টাৰনেচনেলৰ প্ৰাৰ্থ¹ বিৰেণ বাইলুঙ সহ চাৰিওজনে মনোনয়ন পত্ৰ দাখিল কৰে