গোলাঘাটৰ আৰক্ষী বিষয়া ৰাজেন সিঙে ক্ষমতা অপব্যৱহাৰ কৰি ক্ষমা খুজিবলৈ বাধ্য হয়

কাজিৰঙা ২২ ডিচেম্বৰ: গোলাঘাট জিলাৰ আৰক্ষী অধীক্ষকৰ দায়িত্বত থকা ৰাজেন সিঙে পৰিয়ালৰ বাবে হাতী ছাফাৰীৰ টিকটৰ ব্যৱস্থা নকৰাৰ বাবে বন বিভাগৰ এজন বিষয়াক অসৎ আচৰণ কৰাৰ লগতে বিনা দোষত অবৈধভাৱে আটক কৰাৰ অভিযোগ ইতিমধ্যে প্ৰমাণ হৈছে। সেয়ে মূখ্যমন্ত্ৰী আৰু আৰক্ষী সঞ্চালক সোচ্চাৰ হয় গোলাঘাটৰ আৰক্ষী অধীক্ষক ৰাজেন সিঙৰ বিৰুদ্ধে ।গোলাঘাট আৰক্ষী অধীক্ষকৰ এই অপৰাধৰ খবৰৰ ব্যাপক উত্তেজনাৰ মাজতে সকলোকে নম্ৰ হৈ থাকিবলৈ আহ্বান জনাইছে অসমৰ মুখ্যমন্ত্ৰী হিমন্ত বিশ্ব শৰ্মাই।গোলাঘাটৰ আৰক্ষী অধীক্ষক ৰাজেন সিঙে ক্ষমতা তথা পদৰ অপব্যৱহাৰ কৰাৰ অভিযোগ উত্থাপন হোৱাৰ পিছতে এই কথা পোহৰলৈ আহিছে। হাতী ছাফাৰীৰ টিকট নোপোৱাৰ বাবে গোলাঘাটৰ আৰক্ষী অধীক্ষকে বন পালক তৰুণ গগৈক মাজনিশালৈকে অবৈধভাৱে আটক কৰি ৰাখিছিল বুলি ইতিমধ্যে প্ৰমাণ হৈ গৈছে।গোলাঘাটৰ আৰক্ষী অধীক্ষক ৰাজেন সিঙে পৰিয়ালৰ লোকৰ বাবে হাতী ছাফাৰীৰ বাবে পাঁচটা টিকট বিচৰা বুলি জানিব পৰা গৈছে । কিন্তু সকলো টিকট বিক্ৰী হোৱাৰ বাবে তৰুণ গগৈ নামৰ বন পালক জনে ব্যৱস্থা কৰিব নোৱাৰিলে। সেয়ে ৰাজেন সিঙ নামৰ গোলাঘাটৰ আৰক্ষী অধীক্ষক জনে অভাৰ কলত তেওঁক অভব্য ব্যৱহাৰ কৰাৰ কথা পোহৰলৈ আহে।মাজনিশা বন বিষয়াজনক উঠাই লৈ কহৰা আৰক্ষী আউটপোষ্টত চাৰি ঘণ্টাৰো অধিক সময় অবৈধভাৱে আবদ্ধ কৰি ৰাখে।বিষয়টো পোহৰলৈ অহাৰ পাছতে অসমৰ মুখ্যমন্ত্ৰীগৰাকীয়ে এক্সত লিখে, “I spoke to the Director General of Police, Assam Sri @gpsinghips regarding the incident involving the Superintendent of Police, Golaghat. We do not endorse arrogance, and it is important for public servants to remain humble in their thoughts and actions.”ঘটনা সন্দৰ্ভত অসমৰ আৰক্ষী সঞ্চালক প্ৰধান জ্ঞানেন্দ্ৰ প্ৰতাপ সিঙে কয় যে, “I’ve been made aware of the last evenings undue detention of Sri Tarun Gogoi of
@assamforest
by
@GolaghatPolice
I have spoken with Sri Gogoi and conveyed my regret as
@DGPAssamPolice
SP Golaghat has also been suitably advised. Our aim remains courteous behaviour with fellow citizens. I have also conveyed my sincere apologies to the Hon CM Assam for anguish caused to him and the Government. Apologies to people of Assam with a commitment to improve further.’ইফালে, গোচৰটোৰ ভুক্তভোগী বন বিষয়া তৰুণ গগৈয়ে পিছত স্পষ্ট কৰি দিয়ে যে এই ঘটনাক লৈ গোলাঘাটৰ আৰক্ষী অধীক্ষ ৰাজেন সিঙে তেওঁৰ ঘৰলৈ আহি ক্ষমা বিচাৰিছে।
তেওঁ কয়, “আৰক্ষী অধীক্ষকে মোক লগ কৰি ক্ষমা খুজিছে। আৰক্ষী বিষয়া সিঙে “মানুহে ভুল কৰে” বুলি কৈ ক্ষমা বিচাৰে। ঘটনাটো মই ক্ষমা কৰি দিছোঁ, মই পাহৰিছোঁ। মোৰো ভাল লাগিছে। জি পি সিং ছাৰেও মোক ফোন কৰিছিল। মই তেওঁক ক’লোঁ যে মই ভালেই আছো আৰু এছ পি ছাৰ মোৰ লগত বহি আছে আৰু তেওঁ ক্ষমা বিচাৰিছে।” এতিয়া সচেতন মহলে বু বু বা বা কৰিছে ইমান দিনে ৰাজেন সিঙ নামৰ ব্যক্তি জনে তেওঁ নিজকে মহাপ্ৰতাপী মহা পৰাক্ৰমী আৰক্ষী বিষয়া বুলি ভাবি আছিল। অৱশেষত এইবাৰ তেওঁ নিজকে মানুহ বুলিও আবিষ্কাৰ কৰিলে। সেয়ে ৰাজেন সিঙে “মানুহে ভুল কৰে” বুলি কৈ এজন বন পালকক ক্ষমা খুজিবলৈ বাধ্য হয়।