লখিমপুৰৰ নাওবৈচাৰ শিঙৰা নৈৰ মথাউৰি নিৰ্মাণৰ নামত ব্যাপক দুৰ্নীতিৰ অভিযোগ  সম্পূৰ্ণ বালিৰে নিৰ্মাণ কৰা মথাউৰিক লৈ আতংকিত ৰাইজ  নিৰ্মাণৰত অৱস্থাত জিঅ’বেগ উটুৱাই নিলে শিঙৰা নৈয়ে 

লখিমপুৰ, ৩১ মে ; লখিমপুৰ জিলাৰ নাওবৈছাৰ শিঙৰা নদীৰ মঠাউৰি নিৰ্মাণৰ নামত ব্যাপক দুৰ্নীতিৰ অভিযোগ উত্থাপিত হৈছে । ব্যাপক হেমাহী , আৰু অনিয়মেৰে সম্পূৰ্ণ বালিৰে নিৰ্মান কৰা মঠাউৰিক লৈ এতিয়া ৰাইজ আতংকিত হৈ পৰিছে । প্ৰায় ৭কোটি ৪০ লাখ টকা ব্যয়ৰে নাওবৈছা চমুৱাগাঁও মথাউৰি নিৰ্মাণৰ বাবে ৰাজীৱ চাহু নামৰ এজন ঠিকাদাৰে কামৰ আবন্টন লাভ কৰিছিল যদিও ঠিকাদাৰ গৰাকীয়ে মঠাউৰি নিৰ্মাণৰ বেলিকা ব্যাপক অনিয়মৰ অভিযোগ তুলিছে স্থানীয় ৰাইজে । সম্প্ৰতি বালিৰে নিৰ্মাণ কৰা মথাউৰি ইতিমধ্যে শিঙৰা নৈয়ে সহাবলৈ আৰম্ভ কৰাৰ আতংকিত হৈ পৰিছে নৈ পৰীয়া ৰাইজ। বিগত বৰ্ষত শিঙৰা নদীয়ে ছিঙা অংশতে এইবাৰো শিঙৰা নৈয়ে মঠাউৰি ছিঙাৰ আশঙ্কা কৰিছে ৰাইজে । মঠাউৰি নিৰ্মাণত ঠিকাদাৰ গৰাকীৰ অনিয়ম , হেমাহীৰ সন্দৰ্ভত ঠিকাদাৰ আৰু জল সম্পদ বিভাগৰ অভিযন্তা গৰাকীক ৰাইজে কৈ কৈ ভাগৰি পৰাত ৰাইজ উপায়ন্তৰ হৈ পৰিছে । এই ক্ষেত্ৰত সদৌ অসম নিবনুৱা সন্থাৰ সভাপতি জীৱন ৰাজখোৱাই ঠিকাদাৰ গৰাকীৰ দুৰ্নীতি অনিয়মৰ সন্দৰ্ভত প্ৰতিক্ৰিয়া প্ৰকাশ কৰি কেৱল ধনৰ জোৰত কামৰ আবন্টন লাভ কৰাৰ পিছত তেওঁ কাম ভালদৰে নকৰে আৰু পালমৰা কাম কৰি ৰাইজক সমস্যাত পেলোৱাৰহে চেষ্টা কৰে । এই ক্ষেত্ৰত বিভাগীয় কৰ্তৃপক্ষক ব্যৱস্থা গ্ৰহণৰ দাবী জনায় । আনহাতে স্থানীয় ৰাইজে অসমৰ মুখ্যমন্ত্ৰী ডo হিমন্ত বিশ্ব শৰ্মাৰ লগতে জলসম্পদ মন্ত্ৰীৰ দৃষ্টি কামনা কৰাৰ লগতে এই মথাউৰি নিৰ্মাণ দায়িত্ব লাভ কৰা ঠিকাদাৰৰ বিৰুদ্ধে ব্যৱস্থা গ্ৰহণৰ দাবী জনায় ।
কিয়নো ঠিকাদাৰৰ হেমাহীৰ বাবেই পুনৰ শিঙৰাৰ বানত ৰাইজে ঘৰ বাৰী হেৰুৱাব । উল্লেখ যে নদীখনৰ সোঁ পাৰৰ নামনি অংশত অৰ্থাৎ যোৱা বছৰ ছিঙা অংশৰ পিছৰ অংশত বিছিন্ন কৰাৰ আশংকা আহি পৰিছে । যাৰ বাবে অঞ্চলটোৰ চমুৱা ,কাড়ি, কোঁৱৰ গাঁও, শলমৰীয়া, কলাখোৱা,মেৰচুক, বৰচলাকে ধৰি বহু গাঁৱলৈ অশনি সংকেত কঢ়িয়াই আনিছে