শিৱসাগৰ, ১৪ আগষ্টঃ চৰাইদেউ জিলাত স্বাধীনতা দিৱসৰ প্ৰাকমুহূৰ্তত অবৈধ মাৰনাস্ত্ৰ উদ্ধাৰ । সোণাৰি বাঁহবাৰীত উদ্ধাৰ হৈছে এই অবৈধ মাৰনাস্ত্ৰ । পইণ্ট •২২ পিষ্টল সহ আটক হৈছে এজন । সোণাৰিৰ বাঁহবাৰীৰ পৰা আটক কৰা হৈছে দিগন্ত সন্দিকৈ নামৰ লোকজনক । সোণাৰিস্থিত সেনাবাহিনীয়ে আটক কৰি গতালে সোণাৰি আৰক্ষীক । ইফালে দিগন্ত সন্দিকৈ ঘৰত সেনাই পিষ্টল উদ্ধাৰ কৰি ষড়যন্ত্ৰ ৰচনা কৰাৰ অভিযোগ উত্থাপিত হৈছে । অৱশ্যে ঘটনাৰ সন্দৰ্ভত তদন্তৰ খাতিৰত সোণাৰি আৰক্ষীয়ে কোনো তথ্য সদৰি কৰা নাই এতিয়ালৈকে।
আনহাতে, স্বাধীনতা দিৱস প্ৰাকক্ষণত চৰাইদেউ জিলাত কটকটীয়া নিৰাপত্তা ।সোণাৰিৰ সাপেখাতীত আলফা লিংকমেন আটক । আলফা স্বাধীনৰ সৈতে সম্পৰ্ক থকাৰ অভিযোগত বিজেপি সদস্যক আটক । সোণাৰি টাইৰাই গাঁৱৰ পৰা সাপেখাতী আৰক্ষীয়ে আটক কৰে জিতু বৰাক । সাপেখাটী মণ্ডল যুৱ মৰ্চাৰ সম্পাদক শংকৰ বৰাৰ ভাতৃ জিতু বৰা ।ঘটনাৰ সন্দৰ্ভত আৰক্ষীয়ে জিতু বৰাক তিনি দিনৰ বাবে জিম্মাত লৈছে ।
