মহানগৰীত বিদ্যালয়ৰ পৰা শিশু অপহৰণৰ অপচেষ্টা

গুৱাহাটী,৭ নবেম্বৰঃ মহানগৰীৰ মালিগাঁৱত চাঞ্চল্যকৰ ঘটনা। বিদ্যালয়ৰ পৰা এটি কন্যা শিশুক অপহৰণৰ অপচেষ্টা চলায় এজন লোকে। মালিগাঁও নিম্ন প্ৰাইমাৰী বিদ্যালয়ৰ চৌহদত সংঘটিত হৈছে এই ঘটনা। বিদ্যালয়খনৰ চৌহদৰ পৰা এটি কন্যা শিশুটিক অপহৰণৰ চেষ্টা কৰিছিল শুভাংশু কুমাৰ নামৰ এজন লোকে। বিদ্যালয়খনৰ বাহিৰত থকা লোকসকলে কৰায়ত্ত কৰে লোকজনক। ঘটনাস্থলীত উপস্থিত হৈ জালুকবাৰী আৰক্ষীয়ে আটক কৰে লোকজনক। জালুকবাৰী আৰক্ষীৰ তদন্তত লোকজনৰ ঘৰ বিহাৰত আৰু তেওঁ এজন বি এছ এফৰ জোৱান বুলি জানিব পৰা গৈছে। জালুকবাৰী আৰক্ষী থানাৰ প্ৰায় ১০০ মিটাৰ দূৰত্বত সংঘটিত এই ঘটনাই তীব্ৰ চাঞ্চল্যৰ সৃষ্টি কৰিছে। ইফালে অভিযুক্ত শুভাংশু কুমাৰৰ সৈতে এগৰাকী মহিলা জড়িত থকাৰো সন্দেহ কৰা হৈছে।