ফিল’বাৰী পদুমপথাৰত ভয়ংকৰ দুৰ্ঘটনা

তিনিচুকীয়া ২১ এপ্ৰিলঃ আজি আৱেলি ফিল’বাৰী আৰক্ষী থানাৰ অন্তৰ্গত ফিল’বাৰী পদুমপথাৰত এক ভয়ংকৰ দুৰ্ঘটনা সংঘটিত হয়।প্ৰত্যক্ষদৰ্শীয়ে জানিবলৈ দিয়া অনুসৰি তীব্ৰবেগী মটৰচাইকেল এখনে নিয়ন্ত্ৰণ হেৰুৱাই দলঙৰ ৰেলীত খুণ্ডা মাৰি পদুমপথাৰ দলঙৰ পৰা মইলানৈত পৰি যায়। বাইকখনত তিনিজন যুৱক উঠি আহিছিল।স্থানীয় ৰাইজৰ সহযোগত তিনিজন যুৱককে পদুমপথাৰ দলঙৰ মইলা নৈ পৰা সংকটজনক অৱস্থাত উদ্ধাৰ কৰা হয়।তিনিজন যুৱকৰ ভিতৰত দুজন যুৱকৰ অৱস্থা অতি সংকটজনক বুলি জানিব পৰা গৈছে।ঘটনাস্থলীত ফিল’বাৰী আৰক্ষী উপস্থিত হৈ সংকটজনক যুৱক কেইজনক চিকিৎসালৈ প্ৰেৰণ কৰিছে।আঘাতপ্ৰাপ্ত আটাইকেইজন যুৱকৰ ঘৰ ফিল’বাৰী চাহ বাগিচাৰ ১নং লাইনত বুলি জানিব পৰা গৈছে।