কাৰ্বি আংলঙৰ ৰাষ্ট্ৰীয় ঘাইপথৰ ডিভাইডাৰত অচিনাক্ত মৃতদেহ উদ্ধাৰ

কাৰ্বি আংলং, ২৫ জুলাই ২০২২ঃ  কাৰ্বি আংলঙত পুৱাতেই উদ্ধাৰ হয় এটা অচিনাক্ত মৃতদেহ | আঘাতৰ চিন স্পষ্ট থকা মৃতদেহটো এগৰাকী পুৰুষৰ | মুখেৰে তেজ ওলাই থকাৰ লগতে ভৰিৰ আঙুলি ছিগি গৈছে মৃতদেহটোৰ | লাংহিনৰ স্বৰগাঠি নদীৰ সমীপৰ পথৰ ডিভাইডাৰত উদ্ধাৰ পুৰুষৰ মৃতদেহটো | ডকমকা আৰক্ষী ঘটনাস্থলীত উপস্থিত হৈ তদন্ত অব্যাহত ৰাখিছে | অচিনাক্ত মৃতদেহটো ঘাইপথৰ ডিভাইডাৰত পেলাই থোৱা অৱস্থাত উদ্ধাৰ হৈছে যদিও কোনে, কিয় হত্যা কৰিলে সেয়া স্পষ্ট হোৱা নাই |