গুৱাহাটীলৈ আহিব বিজেপিৰ ৰাষ্ট্ৰীয় সভাপতি জে পি নাড্ডা

গুৱাহাটী,২৮ আগষ্টঃ সোমবাৰে গুৱাহাটীলৈ আহিব বিজেপিৰ ৰাষ্ট্ৰীয় সভাপতি জে পি নাড্ডা। বিজেপিৰ উত্তৰ-পূৰ্বাঞ্চলৰ কাৰ্যালয় মুকলিৰ লগতে দলীয় কাৰ্যকৰ্তাৰে মিলিত হ’ব দলৰ ৰাষ্ট্ৰীয় সভাপতিগৰাকী। দলীয় সূত্রই জনোৱা মতে সোমবাৰে বিয়লি ৪ বজাত জে পি নাড্ডা গুৱাহাটীৰ লোকপ্ৰিয় গোপিনাথ বৰদলৈ বিমান বন্দৰত উপস্থিত হ’ব। বিমান বন্দৰত তেওঁক আদৰণী জনোৱাৰ পাছত তেওঁ গুৱাহাটীৰ উজানবজাৰলৈ আহিব। উজানবজাৰত বিয়লি ৪.৩০ বজাত তেওঁ বিজেপিৰ উত্তৰ-পূৱ কাৰ্যালয় “পদ্ম ভৱন”ৰ শুভাৰম্ভ কৰিব। শুভাৰম্ভনি অনুষ্ঠানত উত্তৰ পূৰ্বাঞ্চলৰ তিনি গৰাকী কেন্দ্ৰীয় মন্ত্ৰী উপস্থিত থাকিব। তদুপৰি উপস্থিত থাকিব উত্তৰ-পূৰ্বাঞ্চলৰ চাৰিগৰাকী মুখ্যমন্ত্ৰীৰ লগতে ৮ গৰাকী জিলা সভাপতিকে ধৰি কেন্দ্ৰীয় আৰু ৰাজ্যিক নেতৃত্ব। পদ্ম ভৱনৰ শুভাৰম্ভৰ লগত সংগতি ৰাখি বিয়লি ৫ বজাত গুৱাহাটীৰ মাছখোৱাস্থিত আই টি চেন্টাৰত আয়োজন কৰা এখন কাৰ্যকৰ্তা সভা সম্বোধন কৰিব ৰাষ্ট্ৰীয় সভাপতি জে পি নাড্ডাই।