উত্তৰ গুৱাহাটীত SEVA BHARATI INSTITUTE OF FIRE, SAFETY & DISASTER Management কাৰ্যলয় মুকলি অনুষ্ঠানত উপস্থিত ৰাজ্যপাল প্ৰফেছাৰ জগদীশ মুখী

চাংসাৰি, ৬ছেপ্তেম্বৰঃ উত্তৰ গুৱাহাটীত আজি উপস্থিত হয় ৰাজ্যপাল প্ৰফেছাৰ জগদীশ মুখী । উত্তৰ গুৱাহাটীৰ অভয়পুৰস্থিত যোগনিলয়ম কেন্দ্ৰত SEVA BHARATI INSTITUTE OF FIRE, SAFETY & DISASTER MANAGEMENT নামৰে শিক্ষানুষ্ঠান আনুষ্ঠানিক ভাৱে মুকলি কৰে ৰাজ্যপাল গৰাকীয়ে । উল্লেখ্য যে, এই প্ৰতিষ্ঠানটোত আজিৰ পৰা আৰম্ভ হ’ব বৃত্তিগত সুৰক্ষা, স্বাস্থ্য আৰু পৰিৱেশৰ ক্ষেত্ৰত উন্নতমানৰ ডিপ্লমা পাঠ্যক্ৰম ।এই পাঠ্যক্ৰম অসম বিজ্ঞান আৰু প্ৰযুক্তিবিদ্যা বিশ্ববিদ্যালয়ৰ দ্বাৰা স্বীকৃতি প্ৰাপ্ত । বৰ্তমান সময়ত ঔদ্যোগিক বিকাশ তথা বিজ্ঞান প্ৰযুক্তি বিদ্যাৰ বিকাশৰ লগতে আপাতকালিন পৰিস্থিতিৰ সৈতে মোকাবিলা কৰিবলৈ এই পাঠ্যক্ৰমে বিশেষ ভূমিকা গ্ৰহন কৰিব । দেশৰ ভিতৰতে প্ৰথম বাৰৰ বাবে লোৱা হৈছে এই পদক্ষেপ । আজিৰ অনুষ্ঠানত বিশিষ্ট অতিথি হিচাপে উপস্থিত থাকে RSSৰ সেৱাপ্ৰমুখ পৰাগ অভ্যঙ্কৰ, NRLৰ MD ভাষ্কৰজ্যোতি ফুকন, SEVA BHARATI INSTITUTE OF FIRE, SAFETY & DISASTER MANAGEMENTৰ অধ্যক্ষ অখিল কুমাৰ দাস, পূৰ্বাঞ্চল ভাৰতীৰ সভাপতি ৰমেন শৰ্মাৰ লগতে ভালে সংখ্যক বিশিষ্ট ব্যক্তি । এনে ধৰণৰ পাঠ্যক্ৰমে আমাক অকল আপাতকলিন পৰিস্থিতিৰ সৈতে মোকাবিলা কৰিবলৈ শিকোৱাই নহয় সমাজত সেৱাৰ মনোভাৱো বিকশিত কৰিব বুলি আশাবাদী ৰাজ্যপাল প্ৰফেচাৰ জগদীশ মুখী ।ৰাজ্যপাল গৰাকীয়ে তেওঁৰ ভাষণত সেৱা ভাৰতীৰ এই পদক্ষেপক শলাগ লোৱাৰ লগতে উল্লেখ কৰে যে এই পাঠ্যক্ৰম দেশৰ ভিতৰতে প্ৰথম আৰু অনন্য । ইয়াৰ লগতে তেওঁ উল্লেখ কৰে যে বৰ্তমান সময়ত উগ্ৰপন্থীৰ কুটঘাটমূলক কাৰ্যকলাপবোৰ প্ৰতিহত কৰিবলৈ এনে ধৰণৰ পাঠ্যক্ৰমৰ প্ৰাসংগিকতা আছে । উত্তৰ গুৱাহাটী যোগ নিলময় কেন্দ্ৰ চৌহদত সেৱা ভাৰতী পূৰ্বাঞ্চলৰ দ্বাৰা. আয়োজিত উদ্বোধনী অনুষ্ঠানত ৰাজ্যপাল মুখীয়ে ভাৰত মাতাৰ প্ৰতিচ্ছবিৰ. সমুখত বন্তি প্ৰজ্বলনেৰে অনুষ্ঠানৰ শুভ উদ্বোধন কৰি কয় যে এই বিষয়ক লৈ এবছৰীয়া পাঠ্যক্ৰমৰ পৰিবৰ্তে তিনিবছৰীয়া পাঠ্যক্ৰম হ’ব লাগে ।