এইবাৰ কংগ্ৰেছৰ সভাপতি পদৰ বাবে প্ৰতিদ্বন্দ্বিতা কৰাৰ বাৰ্তা দিলে দিগ্বিজয় সিঙে

নতুন দিল্লী, ২১ ছেপ্টেম্বৰ:শশী থাৰুৰৰ আৰু অশোক গেহলাটৰ পিছত দিগ্বিজয় সিঙে এইবাৰ কংগ্ৰেছৰ সভাপতি পদৰ নিৰ্বাচনত প্ৰতিদ্বন্দ্বিতা কৰিব বুলি ইংগিত দিছে। নিৰ্বাচনত সম্ভাৱ্য প্ৰতিদ্বন্দ্বীসকলৰ নাম আলোচনা কৰি বুধবাৰে এক সাক্ষাৎকাৰত মধ্যপ্ৰদেশৰ প্ৰাক্তন মুখ্যমন্ত্ৰীগৰাকীয়ে কয় যে মই নিজকে বাদ দিয়া নাই।ৰাজস্থানৰ মুখ্যমন্ত্ৰী গেহলাউট আৰু কেৰেলাৰ তিৰুৱানন্তপুৰমৰ সাংসদ তথা প্ৰাক্তন কেন্দ্ৰীয় মন্ত্ৰী থাৰুৰে ইতিমধ্যে ৰাজহুৱাভাৱে সভাপতি নিৰ্বাচনত প্ৰতিদ্বন্দ্বিতা কৰাৰ সম্ভাৱনাৰ ইংগিত দিছে। এই সন্দৰ্ভত দিগ্বিজয়ে কয় যে “মই কিয় নাই?” এই তালিকাৰ পৰা মোক কিয় বাদ দিব বিচাৰিছে?”কিন্তু যদি কংগ্ৰেছৰ সভাপতিৰ প্ৰাৰ্থী গেহলাট হয় তেন্তে দলৰ ‘এজন ব্যক্তি এটা পদ’ নীতি মানি ৰাজস্থানৰ মুখ্যমন্ত্ৰীৰ পদ খালী কৰিব লাগে ।কংগ্ৰেছ ৰাজ্যসভাৰ সাংসদ দিগ্বিজয় একেৰাহে ১০ বছৰ, ১৯৯৩-২০০৩ চনলৈ মধ্যপ্ৰদেশৰ মুখ্যমন্ত্ৰী আছিল। কিন্তু ডেৰ দশকৰ পাছত ২০১৯ চনত পুনৰ নিৰ্বাচনী ৰাজনীতিলৈ ঘূৰি আহি পুনৰ ভোপাল লোকসভাৰ পৰা নিৰ্বাচনত পৰাস্ত হয়। গেহলাটৰ দৰেই দিগ্বিজয়কো ছোনিয়া গান্ধীৰ বিশ্বাসী হিচাপে পৰিচিত।