ইউক্ৰেইনৰ সৈতে কাশ্মীৰৰ তুলনা, ৰাষ্ট্ৰসংঘত ভাৰত-পাক ডুৱেল

নিউজ ডেক্সঃআকৌ পাকিস্তানে কাশ্মীৰৰ বিষয়টো আন্তঃৰাষ্ট্ৰীয় মঞ্চত উত্থাপন কৰি ভাৰতক পোক কৰিলে। এইবাৰ ইছলামবাদৰ প্ৰতিনিধি মুনীৰ আক্ৰমে ৰাষ্ট্ৰসংঘৰ সাধাৰণ পৰিষদত কাশ্মীৰক ইউক্ৰেইনৰ সৈতে তুলনা কৰে। আনহাতে, পাকিস্তানে বিশ্ব আদালতত সুযোগ ‘অব্যৱহাৰ’ কৰি আছে, জুই জ্বলিছে ভাৰত।নিউজ এজেন্সী এএনআইয়ে প্ৰকাশ কৰা অনুসৰি বুধবাৰে ৰাষ্ট্ৰসংঘৰ সাধাৰণ পৰিষদত ইউক্ৰেইনৰ চাৰিটা অঞ্চল ৰাছিয়াৰ সৈতে অবৈধভাৱে অন্তৰ্ভুক্ত কৰাৰ নিন্দা কৰা প্ৰস্তাৱ দাখিল কৰা হয়। ১৯৩ জনীয়া সাধাৰণ সভাত ১৪৩ টা ভোটত গৃহীত হয় এই প্ৰস্তাৱ। ভাৰত, চীন আৰু পাকিস্তানে ভোটদানৰ পৰা বিৰত থাকে। ইয়াৰ পূৰ্বে মঙলবাৰে ৰাছিয়াই এই প্ৰস্তাৱৰ ওপৰত ভোটদানৰ বাবে গোপন বেলটৰ দাবী কৰিছিল। সেই দাবী নাকচ কৰি ভাৰতে গোপন বেলটৰ বিৰুদ্ধে ভোটদান কৰে। আলবেনিয়াই এই নিন্দা প্ৰস্তাৱ ৰাষ্ট্ৰসংঘৰ সাধাৰণ পৰিষদলৈ আনিছিল। ইউক্ৰেইনৰ ডনেস্ক, খেৰছন, লুহানস্ক আৰু জাপ’ৰিজ্জিয়া অঞ্চলত ৰাছিয়াই দখল কৰা আৰু তাত অবৈধ গণভোটৰ গৰিহণা আৰু বিৰোধিতা কৰা হৈছে এই প্ৰস্তাৱত।এই প্ৰেক্ষাপটত ইছলামবাদৰ প্ৰতিনিধি মুনীৰ আক্ৰমে ৰাষ্ট্ৰসংঘত ৰাছিয়াৰ বিৰুদ্ধে অনা প্ৰস্তাৱৰ বিষয়ে আলোচনা কৰি কাশ্মীৰক ইউক্ৰেইনৰ সৈতে তুলনা কৰে। তেওঁ কয়, “একেদৰে (ইউক্ৰেইনত ৰাছিয়াৰ আগ্ৰাসনৰ দৰে) ভাৰতে কাশ্মীৰ দখল কৰিব বিচাৰে। সেই ক্ষেত্ৰত এইদৰে এটা নিন্দা প্ৰস্তাৱ আনিওঁ আহক।” ভাৰতৰ প্ৰতিনিধি ৰুচিৰা কম্বোজে এককভাৱে পাকিস্তানক পাল পাতি লৈছিল। তেওঁৰ ভাষাত, “পাকিস্তানে পুনৰ আন্তঃৰাষ্ট্ৰীয় মঞ্চৰ অপব্যৱহাৰ কৰিছে।” কাশ্মীৰ ভাৰতৰ এক অবিচ্ছেদ্য অংগ আছিল, আছে আৰু থাকিব। মই পাকিস্তানক আহ্বান জনাইছো যে সন্ত্ৰাসৰ ৰপ্তানি বন্ধ কৰক যাতে আমাৰ নাগৰিকে শান্তিৰে জীয়াই থাকিব পাৰে।”